بولود قارا چورلو

من دئميرم اوستون نيژاددانام من

دئميرم  ائللريم ائللردن  باشدير

منيم مسليكيمده،   منيم يولومدا

ميلّتلرهامی سی دوستدور قارداشدير

چاپماق ايسته ميرم من هئچ ميلّتين

نه ديلين، نه يوردون، نه ده امگين

تحقير  ائله ميرم،  هده له ميرم

كئچميشين ايندی سين يا گله جگين

من آييرميرام، آيری سالميرام

قارداشی قارداشدان آروادی اردن

آنانی  بالادان،  اتی ديرناقدان

اوره گی اوره كدن، قانادی پردن

پوزماق ايسته ميرم من بيرليك لری

اينسانليق  بيرليگی  ايدياليمدير

قارداشليق يولداشليقی ادبی باريش

دونيادا ان بؤيوك آرزی لاريمدير

آنجاق بير سؤزوم وار من ده اينسانام

ديليم وارخالقيم وار يوردوم يووام وار

يئردن  چيخماميشام  گؤبلك  كيمی

آدامام، حاقّيم وار، ائليم، اوبام وار

قول يارانماميشام ياراناندا  من

هئچ كسه اولمارام، نه قول، نه اسير

قورتولوش عصری ديراينسانا بوعصر